Z

Fólk sem notar Z fer í mínar fínustu. Að sjálfsögðu í lagi í þeim tungumálum þar sem setan er virk.

Hvað vakir fyrir slíku fólki annað en yfirgangur, snobb og ómerkilegheit? Allar greinar sem eru skrifaðar með setu eru hundleiðinlegar og ekki góðar til neins nema til að blunda yfir ... zzzzzzzzzzzzzzzzzzzzzz.

Setu-elskendur: vaknið og takið þátt í nútímanum, þar er engin seta!

Kveðja,

Zigþór Björgvinzzon.

Skortsala og ritstuldur

Nokkuð sem er ábótavant við þessa grein:

 Í fyrsta lagi er hún beinþýdd:

http://cdn.mediatakeout.com/52631/mto-exclusive-rihanna-s-broke-the-recession-hit-her-she-s-forced-to-do-a-short-sale-on-her-mansion.html

Í öðru lagi er notkunin á orðinu "skortsala" sérkennilega notað. Í ensku er 'short sale' notað í tvennum tilgangi að skortselja verðbréf; fá þau að lána og kaup þau seinna þegar verðið hefur vonandi lækkað og borga til baka - það er algengari notkunin.

Og þegar hús eru seld þegar skuldirnar á húsinu er meiri en kaupverðið - yfirveðsett.

 Svona má sjá þetta í hagfræði orðabók:

[íslenska]	skortsala kv.
[sh.]	ofsala
	[sérsvið] í verðbréfaviðskiptum [skilgr.] Það að selja meira en maður hefur yfir að ráða með það fyrir augum að kaupa eða fá að láni það sem á kann að vanta við afhendingu.

(Sjá nánar á Wikipedia http://en.wikipedia.org/wiki/Short_selling ).

Að skortselja fasteign (hef aldrei áður heyrt á íslensku) er ekki algeng orðanotkun og hlýtur að þurfa frekari skýringa. Einnig er gert ráð fyrir því hún Rihanna sé í fjárhagkröggum en það þarf ekki endilega að vera raunin. Að selja fasteign sem er yfirveðsett þarf ekki endilega að viðkomandi sé á leið í þrot. Á bakvið slíkan gjörning geta legið margar forsendur,  T.d vill viðkomandi losa sig við fasteignina og semur við lánveitanda um að gefa eftir eftirstandi skuldir eða einfaldlega borgar þær.

Þeir sem vilja kynna sér 'short sale' á fasteignum má benda á eftirfarandi lestur:

http://www.investopedia.com/articles/mortgages-real-estate/08/short-sell-home-avoid-foreclosure.asp#axzz1fBAMU5fA

Efast um að lesendur og "höfundur" greinarinnar áttuðu sig á þessu. En nú erum við öll margs vísari.

Sigþór Björgvinsson, Reykjavík.

Rihanna er skítblönk

Funny bunny

Once there was a bunny,

she thought she was funny.

She made fun of others,

didn´t even bother,

that sometimes it was hurting another.

 

But one day she heard a horse say:

Hey bunny! You are not funny,

except when you hop around

like a big fat hound,

you could loose more than a pound.

 

The bunny laid down and cryed,

she wanted to put up a fight,

but was too lazy and fat, and then died.

 

Sigþór Björgvinsson, Reykjavík.

Can man

I saw a man,

who lived in a can.

He was not tall,

but he was small.

His name was Paul.

 

I saw him role down the street,

not using his feet.

He was picked up by a collector,

recycled was his ever after.

 

Sigþór Björgvinsson, Reykjavík.

Ánægður með för til Rómaveldis

Hver er ekki kominn með leið á rasisma í skák? Hvítur á móti svörtum og hvítur byrjar. Ég segi ójbjakk! Aldrei meir!

Ég er með lausn á ykkar vanda: Rómverjar gegn víkingum, kristnir gegn heiðingjum, þá er hægt að spila skák á sögu sem er ekki byggð á jafn miklum misrétti. Þar börðust jafningjar á jöfnum grundvelli.

Á ferðalagi mínu til Rómaveldi, nánar tiltekið San Marinó, rakst ég á þetta yndisfagra taflborð. Víkingurinn ég keypti að sjálfsögðu gripinn svo hægt væri að tefla á jafnréttisgrundvelli.
Vegna sérstakar fjölskylduaðstæðna er ég tilbúinn að selja þetta handmálaða meistarastykki , en eingöngu gott víkingaheimili kemur til greina.

 

 

 

 

 

 

Sérstakt tilboð í gangi: aðeins 25.990 krónur , eða meira. Tek á móti tilboðum í athugasemdum hér að neðan, einnig er hægt að hringja í farsímann eða heimasímann. Senda tölvupóst á gmailið, hotmailið, vinnumailið, skólamailið, venjulegan póst eða skeyti. Talandi um skeyti þá mun ég einnig taka á móti flöskuskeytum og mun ganga strendur landsins næstu mánuðina til að safna þeim saman. En ég get ekki tekið á mót bréfdúfum þar sem kötturinn mun veiða þær um leið (en get svo sem tekið á mót þeim en get ekki skilað dúfunni upprunalega ástandi). Þeir sem standa framalega í hugsanaflutningi geta nýtt þann möguleika að sjálfsögðu.

Og svo er það smáaletrið:

Þar sem um alvöru stríðstafla er að ræða eru að sjálfsögu nokkrar skrámur á vígvellinum og nokkrir hermenn hafa fallið; en þeim hefur verið tjöslað saman og eru vel tilbúnir í næstu orrustu.

Sigþór Björgvinsson, Víkingalandi.

Macheda ánægður með Ítalíuförina þrátt fyrir allt

Ég má tjá mig

Hæfileiki er ekki lykill að árangri, þó hann hjálpi vissulega mikið til. Heppni hefur mikið með það að segja hvort menn nái langt eður ei.

Held að flestir ef ekki allir leikmenn á EM undir 24 (eins og kýs að kalla þetta; þar sem sumir eru fæddir 1988) kunni alveg eitthvað í fótbolta. Heppni og skipulag skiptir því miklu máli.

Í leiknum geng Hvítu-Rússum var nokkuð greinilegt að hæfileikarnir eru til staðar hjá Íslensku strákunum – þar er enginn skortur. Hæfileikalega séð unnu þeir leikinni en það telur ekki. Hinir unnu leikinn útaf tveimur þáttum:

Fyrri þáttur

Skipulaga andastæðingana var að drepa leikinn, neita að berjast á sviði hæfileika heldur skipulags og heppni. Þar unnu þeir og unnu því leikinn. Þegar Íslensku strákarnir voru farnir að drepast úr leiðindum og sýndu takta sem átt margt skylt með afturgöngugöngunni (Zombie walk) sem var á sama tíma í Reykjavík, brölti einn andstæðingurinn í gegnum hálf íslenska liðið eins og leikskóladrengur í allt of stórum skóm. Þar sem zombie-varnaleikur hefur aldrei reynst vel uppskar hann víti og einn af okkar bestu mönnum útaf. Sem var að sjálfsögðu hundfúlt þar sem ég taldi óvitann í vítateig okkar eiga lítinn séns á móti markverði okkar, sem ekki enn var farinn að taka þátt í afturgöngugöngunni.

Seinni þáttur

Stafsheitið línuvörður getur verið mjög misvísandi. Línuvörðurinn virtist afhenda hornspyrnur út frá handahófskenndum hætti, þegar allir með virk augu og virka heilastafsemi tóku eftir að hann útideildi spyrnunum með óeðlilegum hætti. En það er ekki við hann að sakast því eins og áður segir starfsheitið línuvörður mjög misvísandi. Sennilega passaði hann vel uppá hvítu línuna í grasinu eins og starfstitilinn gefur til kynna – við þá frammistöðu getur hann verið sáttur. Ekki tókst honum að koma auga á rangstöðuna í seinna marki Hvítu-Rússa, enda upptekinn við annað.

Framtíðin er núna

Það vantar ekkert uppá hæfileikana hjá þessum piltum. Og nú er tækifærir til að sýna og sanna sig og vinna næstu leiki. Framtíðinni er núna. Messi er einu ári of gamall til að vera með á þessu móti (og reyndar frá rangri heimsálfu) og hann er búinn að vera einn af þeim bestu í mörg ár. Rooney og Ronaldo eru þremur árum og gamlir til að geta tekið þátt. Og þeir eru búnir að sýna það í mörg ár að þeir geta sparkað í þessa tuðru.

Til að framtíðin sé björt þarf núið að vera bjart. Lifum í núinu.
Sigþór Björgvinsson.

Aron Einar mátti ekki tjá sig

Reykingar eru verri

Hvað er að vera slæmur maður? Er það sem þú gerir eða er það afleiðingar gjörða þinna?

Í gamla daga voru tóbaksfyrirtæki í vandræðum með að fá kvenfólk til að reykja – það þótti ekki fínt að konur færa að sjúga á þessum andskota. Og þá voru góða ráða dýr. Hringt var í áróðurs meistarann Edward Bernays (frændi Sigmunds Frauds, og það var Edward sem gerði frænda sinn frægan en ekki öfugt, í staðinn fékk hann að nota nokkur trikks frá honum í sálfræðinni).

Honum Edda var margt til listanna lagt og var ekki lengi að finna laust á vanda tóbaksfyrirtækjanna og búa til enn meiri vanda fyrir mannkynið allt – en honum var alveg sama um það, því mannkynið hvort eð er svo heimskt (hans eigin orð).

Hann fékk nokkrar huggulegar konur til að kveikja samtímis í rettum í miðri mótmælagöngu: það lýsti sjálfstæði og hugrekki kvenna. Og þar með var þessi tenging komin um að reykingar sé ofboðslega flottar – og konur byrjuðu að reykja, og gera enn.

„Dansið strengjabrúður, dansið,“ hugaði hann örugglega með sér og hló vondumannahlátri.

Þegar fólk var farið að sjá í gegnum vinnubrögð Edda, var hann ekki lengi að finna lausn á því: breytti nafninu „áróðursmeistari“ yfir í „almannatengill“ og leikar heldu áfram. Hitler var nefnilega með embætti sem var „áróðursmálaráðherra“ og þá þótt fólki það ekki fínt lengur en við sættum okkur vel við almannatengill. Eina breyting er nafnið og það virkar alltaf á þessar „æðri“ lífverur. Sértu hræddur við hryðjuverkamenn, kalla þá bara frelsishetjur. Sértu hræddur við kóngulær, kallaðu þá þær bara krútttáslur o.s.frv.

Einhverra hluta vegna hafa reykingar alltaf verið hluti af mínu lífi – mér til mikils ama. Þurft að anda þessu að mér frá unga aldri og að sjálfsögu ekki sjálfviljugur, svo heimskur er ég ekki. En við breytum ekki fortíðinni, en við getum breytt framtíðinni.

Barnið mitt á ekki að anda þessu að sér. Samt fyrsta skiptið sem það kemur út undir „ferskt“ loft (við inngang fæðingardeilda), stóð þar myrkravera; hryðjuverkamaður og mengaði loftið fyrir nýfæddum einstaklingum – slíkt er innrætið. Í hvert skipt sem ég fer í göngutúr með barnavagninn eða set hann út í garð: birtast þessar myrkraverur úr öllum skúmaskotum til þess eins og púa reyk yfir hvítvoðunginn – slíkt er innrætið. Af hverju geta þau ekki bara haft reykinn í sínum lungum?

Hvor er verri Hitler eða Edward Bernays? Ég hallast á því að Eddi sé verri, hans voðaverka er enn við líði, hann er enn þá að drepa.

Ég sem mikill áhugamaður um áróður fór á fund við Herra Winston og Herra Salem.

Ég: „Jæja herra menn, nú fara áhrif Edda á að reykingar sé svakalega töff fara senn að dvína, eigum við ekki að gera eitthvað í því? Í stað þess að fólk deyr löngum kvalafullum dauða, þá deyr það strax?“

Herra Winston: „Nei Sigþór minn það gengur ekki, þá geta þau ekki keypt annan pakka.“

Ég: „En er það ekki mannlegra að leyfa í að deyja strax í stað þessa að kvelja þau til margra ára?“

Herra Salem: „Ertu búinn að gleyma við hvern þú ert að tala, okkur er nákvæmlega alvega sama um mannkynið og allt sem því kemur. Við viljum bara græða peninga.“

Ég: „Já þú meinar. En hvað þá með að haf eina rettu í öðrum hverjum pakka sem sprengir hausinn af manneskjunni um leið og hún tekur smók. Þannig verða reykingar ofsalega flottar. Svo hættusport, aðeins þeir svölu þora það taka smók. Og allir vilja vera svalir, þannig að allir fara að reykja.“

Herra Salem og herra Winston í kór: „Það er snilldar hugmynd! Við græðum enn meiri pening og sínum með enn skýrari hætti að okkur er alveg sama um mannkynið.“

Áróðursmeistarinn,
Sigþór Björgvinsson, Reykjavík.

Khat ekki notað hér

Fórnarkostnaður. Hvað þýðir það?

Algeng villa í íslensku máli er að fólk kann ekki að fara með orðið fórnarkostnað. Þingmenn, fréttamenn og jafnvel hin heilaga íslenska orðabókin fara rangt með – þar segir: „þau verðmæti sem þarf að fórna til að koma e-u í framkvæmd“ (rétt að hluta en ekki alveg).

Ef allir hafa rangt fyrir sér, þá er það samt ekki rétt!

Á ensku er það „opportunity cost“, það mætti bein þýða það tækifæriskostnaður – en það orð er ekki til. Opportunity cost þýðir fórnarkostnaður.

Þetta orð er nánast það fyrsta sem menn læra í viðskiptafræði. Wikipedia útskýrir þetta rétt og vel:

Fórnarkostnaður er hagfræðilegt hugtak sem vísar til andvirði næst besta valmöguleika sem stóð til boða þegar tiltekin ákvörðun er tekin. Við allar ákvarðanatökur þarf að vega og meta hvern valmöguleika og taka ákvörðun. Eftir því sem meira er í húfi, til að mynda ef fyrirtæki þarf að taka ákvörðun um hvaða vörur eigi að framleiða, því flóknari verða slíkir útreikningar. Fórnarkostnaður er þannig lykilhugtak þegar kemur að úrlausn mála vegna skorts og nýtni efna. Annað dæmi sem hægt er að gefa er fórnarkostnaður þess að fara í vikufrí frá vinnu. Fórnarkostnaðurinn í því tilviki er þá vinnutapið (http://is.wikipedia.org/wiki/F%C3%B3rnarkostna%C3%B0ur einnig er þessu gerð góð skil á ensku: http://en.wikipedia.org/wiki/Opportunity_cost ).

Jæja góðir og slæmir hálsar þá hafið þið það. Minn fórnarkostnaður við þessa grein er að ég hefði getað skrifað um eitthvað annað, vafrað um netið, horft á sjónvarpið eða bara hvað sem er annað. Ekki rafmagnið sem fór í að halda tölvunni gangandi eins og flestir þing- og fréttamenni túlka fórnarkostnað.

Við þau tilefni sem fólk notar orðið má yfirleitt segja „fórn“ eða „kostnaður“. Óþarfi er að þykjast klárari en maður er. Notum orð sem við skiljum sjálf. Annað er kjánalegt.

Hinn fórnfúsi,
Sigþór Björgvinsson, Reykjavík.

Gull er bull

Skil ekki þau rök hjá helstu fjármálasnillingum að öruggast sé að fjárfesta í gulli. Gull var notað sem gjaldmiðill og sem trygging fyrir pappírsmiðlinum, en því var endalega hætt 1999. Nú í dag er það notað sem fjárfestingar, skartgripir, lækningar, mat, iðnað og rafeindatæki. Einnig mætti nota gullstangirnar til að lemja fjármálasnillingana í hausinn fyrir að segja að gull sé góð fjárfesting. 

Suðu-Afríka er helsta gullgraftar land heimsins og þaðan hefur komið um helmingur af öllum gullbirgðum heimsins. Samkvæmt Alþjóðlega gjaldeyrissjóðnum er  Suður-Afríka í 77. sæti yfir ríkustu lönd í heimi – rétt undir heimsmeðaltalinu. Ísland er í 16. sæti á þessu lista – og það er fyrir að veiða þorsk. Við urðum s.s. efnuð á þorskinum en gull gerði ekki mikið fyrir Suður-Afríku (þeir voru s.s. arðrændir og öll notkun á gulli er óbein viðurkenning á að það sé í lagi).

Gull er notað að mestu leyti notað fyrir skartgripi og fjárfestingar; eða um 90%.

Gull nýtist vel í ýmsan iðnað, gull leiðir vel (þá er ég að tala um leiðslu á rafmagni en ekki tvo unglinga haldast í hendur), aðeins kopar og silfur leiða betur, en gull tærist síður og er því endingargildið gott. Til dæmis er hægt að útþynni gullið svo vel að það er notað á glerið á flugvélum til að verjast gegn ísingu. En þessir þættir eru ekki þeir sem hald verðinu á gulli uppi.

Þeir þættir sem halda verðinu uppi er að okkur finnst allt fallegt sem glóir og fullyrðingar eins og gull sé örugg fjárfesting.

Ekki er hægt að borða gull – nei, jú annars! Það er hægt að borða gull, fullmargir kjánar hafa reynt það. En gullið er bæði bragð- og næringarlaust, og því að sjálfsögðu tilgangslaust að snæða það nema til að sýnast vera merkilegri maður en maður er – gangi þeim vel með það.

Og nú þegar við höfum áttað okkur á ofmati gullsins; eignast gömul orðatiltæki nýja merkingu:

Vera gull af manni – vera ónytjungur.
Vera trúr sem gull – vera ótrúr.
Er gulls ígildi – er tilgangslaus.
Allt sem hann gerir breytis í gull – hann getur ekkert.
Gullplata – óhlustendavæn bullplata.

Hann Pondus tekur undir minn málstað í Fréttablaðinu í dag:

Hér er ekki allt gull sem glóir, og við skulum heldur ekki láta glóið blinda okkur sýn. 

Sigþór Björgvinsson, Reykjavík.

Ertu með fordóma fyrir fordómum og leggurðu einelti í einelti?

Margir hafa fordóma fyrir fordómum. Fordómar eru ekki alltaf slæmir. Þeir þýða einfaldlega að fólk for-dæmir eitthvað, s.s. dæmir án ítarlegrar athugunar.

Ég hef aldrei kýlt sjálfan mig í framan, og ætla mér sennilega aldrei að gera það (jafnvel þó mér verði boðið í sjónvarpsþáttinn Strákarnir með Audda og Sveppa). Þannig hef ég  fordóma fyrir sjálfs-kýlingum. Er s.s. á móti því án þess að hafa gert það nokkurn tímann.

Margir álíta einelti al-neikvætt fyrirbærir. En ef það væri al-neikvætt þá hlyti að vera í ólægi að leggja einelti í einleti – eins og tíðkast þessa stundina í samfélaginu. En svo er ekki; það er í lagi að leggja einelti í einelti.

Sértu með fordóma, fínt. Leggurðu í einelti, fínt. Gerðu það bara fyrir réttan málstað.

Fordómafullar eineltis kveðjur,

Sigþór Björgvinsson.